Персонификация же номурду каттоодон өткөрүү – абонент жана уюлдук компания ортосунда байланыш кызматтарын көрсөтүү келишимин түзүү тартиби. 2014-жылдын 8-мартындагы «КРдин персонификация жөнүндөгү мыйзамына» ылайык бардык абоненттер номурларынын өчүрүлүшүн алдын алуу максатында 08.08.2015-ж. чейин милдеттүү түрдө каттоодон өтүүсү зарыл.

Номуруңуз каттоодон өткөндүгүн *112#чакыруу (акысыз) буйруусу терүү аркылуу текшерүүгө болот.

Персонификациянын артыкчылыктары:

• Коопсуздук жана ишенимдүүлүк (каттоодон өтүү алдамчылыктан сактанууга шарт түзөт);
• Телефонду жоготкон учурда номурду ыкчам калыбына келтирүү;
• Чалуулардын деталдоосун алуу;
• Номурга убактылуу бөгөт салуу («Тыным» кызматы);

Каттоодон өтүү тартиби акысыз жүргүзүлөт жана бул үчүн төмөндөгүлөрдү аткаруу жетиштүү:

• MEGA’дан Сатуу жана тейлөө борборуна же Фирмалык салонуна кайрылуу;
• Инсандыгын ырастаган документтин (паспорт (ID), айдоочунун күбөлүгү, бааргер күбөлүгү, аскер билети, кайрылмандын күбөлүгү) жана SIM-карта жанында болушу зарыл;
• Чет өлкөлүк жарандар же жарандыгы жок жактар (ички же чет мамлекеттик паспорт, жашап туруу укугун берүүчү документ, качкындын күбөлүгү) үчүн инсандыгын ырастаган документтин жанында болушу зарыл;

Кошумча маалымат:

• Персонификация тартибине өзгөрүүлөр киргизилген учурда абоненттер ММК жана компаниянын расмий сайты аркылуу маалымдалат;
• Тейлөө келишимин 16 жаш курагына жеткен Кыргызстандын ар бир жараны менен түзүүгө болот. Аталган жаш курагына жете элек жарандар номурларын туугандары жана жакындары аркылуу каттоодон өткөрө алышат;
• Келишимдин бир нускасы келишимдин аракет мөөнөтү аяктаганга/келишимдин аракети бузулганга чейин абонентте сакталат.

Кайрылмандын күбөлүгү кайрылман статусуна (тарыхый мекенине көчүп келген жак) ээ болгон жактарга берилет – Кыргыз Республикасынын жарандыгын алганга чейинки убактылуу укуктук статус. Миграция жагындагы ыйгарым укуктуу Мамлекеттик орган тарабынан белгиленген үлгүдөгү күбөлүк. Кайрылмандын күбөлүгү инсандыгын ырастаган документ болуп саналат.