«Бактылуу ачкыч» акциясы аяктады: Бишкектин борборундагы батирдин ээси ким болот?
Достор, MegaCom уюлдук оператору жана CAPSTROYKG курулуш компаниясы биргеликте уюштурган MEGA24 тиркемесиндеги «Бактылуу ачкыч» акциясы соңуна чыккандыгын маалымдайбыз.
Бишкек шаарынын борборунда жайгашкан «Ак-Марал 2» турак-жай комплексиндеги эки бөлмөлүү батир - башкы байге болуп саналган бул акция абоненттик номерлеринин балансын толуктап, викторинага катышкан MegaCom'дун бардык абоненттеринин арасында 2020-жылдын 1-ноябрынан баштап, 2021-жылдын 31-июлуна чейин жүргүзүлдү.
«Бактылуу ачкыч» акциясына активдүү катышкан бардык абоненттерибизге ыраазычылык билдиребиз. Конкурстун сайтында жарыяланган бардык талаптар туура аткарылгандыгы толук текшерилген соң, жеңүүчү аныкталып, жыйынтыгы чыгарылат.
CAPSTROYKG курулуш компаниясынан коюлган Бишкек шаарынын борбордук бөлүгүндө жайгашкан «Ак-Марал 2» турак-жай комплексиндеги эки бөлмөлүү батирдин бактылуу ээси жана башка байгелердин жеңүүчүлөрү кимдер болгонун уюштуруучулар жакында жарыялайт. Масштабдуу оюн-зоок менен коштоло турган иш чаранын датасы боюнча MegaCom компаниясы кийинчерээк кошумча маалымат бермекчи.