Перейти на новый сайт

MegaCom Ош шаарында өтө турган веложүрүшкө чакырат

MegaCom Ош шаарында өтө турган веложүрүшкө чакырат

Жадыраган жазгы маанайдын жарчысы болгон веложүрүштү өткөрүү кезеги Ош шаарына келди.

Веложүрүш күнөстүү түштүк калаабызда 21-апрелде өтмөкчү. MegaCom компаниясы шаардык мэрия менен биргеликте өткөрүүчү бул иш-чарага жаш курагынан, кесибинен көзкарандысыз бардык каалоочулар – үйрөнчүктөрдөн тарта дасыккандарга чейин  катыша алышат.    

Велосезон үчүнчү жыл катары менен алдыңкы уюлдук оператордун байрагынын алдында ачылып, жыл сайын катышуучулардын саны арбып жаткандыгы кубандырат.

Темир тулпарчандар  Ак-Буура дарыясынын жанындагы дөңсөөдө саат  10:00дө  чогулушмакчы. Ош шаарынын тургундарынан жана меймандарынан турган велотоптун маршруту:  Сай-бою  –  Ленин –  Исанов – Шакиров – Нурматов – Сай-Бою. Белгиленген маршруттун узундугу –  9 км, бул 2017-жылга  караганда  2 километрге көп. Катышуучулардын бардыгына алдыңкы мобилдик оператордун фирмалык футболкалар таратылат.

Марага жеткенде болсо, катышуучуларды атайын көңүл ачуучу программа күтөт.  «Эл эмне дейт?» скетч-шоусунун алып баруучулары өз жагымдуу тамашалары, кызыктуу  конкурстары менен чогулгандарга жагымдуу маанай тартууласа, конкурстарга жигердүү катышкандар үчүн MegaCom тарабынан белектер даярдалган.

Иш-чарага каалагандардын бардыгы катыша алат. Болгону бузугу жок велосипединин болгондугу, жолдо жүрүүнүн базалык эрежелерин билүүсү жетиштүү.

Компания спорттук иш-чараларды өткөрүүгө жигердүү колдоо көрсөтүп, сергек жашоону жана спортту жайылтууга өз салымын кошууда. Эс алуу күндөрүңүздү MegaCom менен бирге өткөрүңүз. Жаңылыктар  Facebook баракчасынан кабардар болуп, mega-окуялардын борборунда болуңуз!

MegaCom –  спорт жана сергек жашоо үчүн!

Сунушталган кызматтар

  • Маалыматтарды/факстарды кабыл алуу жана жөнөтүү (CSD)

    кызматы

  • Номурду аралыктан калыбына келтирүү

    кызматы

  • «VIP Service»

    кызматы

  • «Бизнес чакырык»

    кызматы