«Mega Билим» долбоорунун алкагында 77 орто мектеп компьютерлер менен жабдылды
Долбоордун алкагында өлкөнүн дагы 66 мектеби өз кезегин күтүүдө. “Mega Билим” долбоору, республиканын алыскы аймактарына колдоо көрсөтүү жана өлкөнүн туруктуу өнүгүүсүнө салым кошуу программасынын алкагында ишке ашырылууда.
«Санариптик маалымат технологияларысыз коомду элестетүүгө болбой турган убакытта, MegaCom компаниясы жаш жеткинчектерибиздин бүгүнкү күндүн талаптарына ылайык билим алуусуна кам көрүп келүүдө. Компьютердик жабдуулар менен кошо берилген USB-модем жана SIM – картанын жардамы менен мугалимдер заманбап усулдар жана жаңы технологиялар менен таанышып, өз билимин тереңдетүүгө мүмкүнчүлүк ала алышат»,- дейт MegaCom компаниясынын корпоративдик байланыштар бөлүмүнүн жетекчиси Жылдыз Мамытова.