MegaComдун «Алдын-ала төлөнүүчү роуминг» кызматы эми Тажикистанда

Алдыңкы уюлдук оператор 2013-жылдын 15-мартынан тарта Тажикистандын Babilon-Mobile байланыш операторунун тармагында, «Алдын-ала төлөнүүчү роуминг» жаңы кызматын ишке киргизгендигин маалымдайт.

Эми, коңшу Тажикистан өлкөсүнө сапар тарткан MegaCom абоненттери «Алдын-ала төлөнүүчү роуминг» кызматынын негизги артыкчылыгына баа бере алышат. Башкача айтканда, кызматтарды реалдуу убакыт режиминде тарифтөө мүмкүнчүлүгүнө ээ болушат.

Аталган кызматты кошуу үчүн абоненттин балансындагы каражат 500 сомдон кем эмес өлчөмдө болуусу шарт. Кызматты автоматтык түрдө өчүрүү чеги - 200 сомду түзөт. «Алдын-ала төлөнүүчү роуминг» кызматы тууралуу толук маалымат шилтемеде жайгаштырылган.