Nano-Sim-карталары сатыла башталды

Бүгүнкү күндөн тарта жаңы үлгүдөгү Nano-Sim-карталар MegaCom компаниясынын Бишкек шаарындагы тейлөө борборлорунда сатыла баштады.

Жогорку класстагы смартфондордун көч башында турган IPhone5 смартфонуна ылайыкталган бул SIM-карта, телекоммуникациялык түзмөктөрдүн ички бөлүгүндөгү мейкиндикти үнөмдөөгө шарт түзөт. Nano-Sim-карталарынын көлөмү кичирейтилип, калыңдыгы 15 пайызга жукарды. Nano-SIM-карталарынын расмий стандарты колдонуудагы Sim-карталарга толук шайкеш келет. Негизинен жаңы Nano-Sim-карталары micro-sim-карталары сыяктуу эле, бирок чети пластик менен капталып, жыйнактуулугу менен айырмаланат.

MegaCom алдыңкы уюлдук оператору өз абоненттерин сапаттуу байланыш кызматы, ыкчам мобилдик Интернет менен гана камсыз кылбастан, аларга телекоммуникация рыногунун жаңы жетишкендиктерин дагы сунуштоону эсинен чыгарбайт.