MegaCom Ош шаарында жаңы Фирмалык салонун ачты
MegaCom компаниясы Ош шаарында кезектеги Фирмалык салонунун ачылышы тууралуу маалымдайт. Буга чейин түштүк борборубузда 5 Фирмалык салон абоненттерди тейлеп келген.
Жаңы салонго кайрылган Ош шаарынын тургундарына жана меймандарына келишим түзүү, түйүнгө кошулуу, ыңгайлуу тарифтик планды тандоо, өз телефонунда GPRS/3G интернетти акысыз тескөө, байланыш кызматтары үчүн акы төлөө сыяктуу кызматтардын кеңири түрлөрү көрсөтүлөт.
Ош шаары–Кыргызстандын туристтик багытта белгилүү болгон шаарларынын бири. Дүйнө жүзүнүн булуң-бурчунан келип жаткан туристтер жыл сайын миңдеп саналса, атагы алыска кеткен Сулайман тоосун бир көрүүнү самаган мекендештерибиздин да катары үзүлбөй келет. Филиалдык түйүндү кеңейтүү күндөн-күнгө саны арбып келе жаткан абоненттерге сапаттуу байланыш кызматтарын көрсөтүү максатын көздөйт.
Фирмалык салон Ош шаары, Төлөнов көч. 79/1 дарегинде жайгашкан. Иш убактысы: саат 9:00дөн 18:00гө чейин, майрам күндөрүн кошуу менен, дем алыш күн: жекшемби, түшкү тыныгуу убактысы: саат 12:30дөн 13:30га чейин.