MegaCom Чүй облусунда 4G түйүнүнүн камтуу аймагын кеңейтти
Интернет-трафикти керектөөчүлөрдүн саны арбып жаткандыгын эске алуу менен, MegaCom бул багыттагы техникалык жумуштарды байма-бай аткарып келет.
Жаңы базалык станцияларды ишке киргизүүнүн натыйжасында бир катар аймактарда жогорку ылдамдыктагы интернет кеңири кулач жайды. Маселен, Чүй облусунун Интернациональное, Кичи-Кемин, Боролдой, Жаңы-Жол, Советское, Бөрүлү, Төш-Булак жана Четинди айылдары 4G түйүнү менен камсыз болду. Азыркы учурда аталган айылдардын жашоочулары интернет ааалмына саякаттап, жогорку сапаттагы видеоконтентти жүктөп алып же зарыл маселелерин көз ачып -жумгуча чече алышат.
Аракеттеги базалык станцияларды жаңылоо да өз жемишин берүүдө. Бишкек, Ош жана Чолпон-Ата шаарларында, Ысык-Көл облусунун Григорьевка айылында сигналдын деңгээли жакшыртылды.
*460 акысыз буйруусун териңиз жана SIM-картаңыз жана мобилдик түзмөгүңүз 4G LTE түйүнүн колдой тургандыгын текшерип алыңыз. Компаниянын Сатуу жана тейлөө борборлорунда же Фирмалык салондорунда SIM-картаңызды 4G колдоосу бар жаңы SIM-картага алмаштырып алсаңыз болот.
MegaCom компаниясынын расмий сайтында каптоо картасы жайгаштырылган.