Бүгүн MegaCom компаниясынын башкы кеңсесинде жыйынтыктоочу пресс-конференция болуп өттү. MegaCom компаниясынын башкы директору Азат Базаркулов жана компаниянын негизги бөлүмдөрүнүн жетекчилери республикалык ММК өкүлдөрү менен жолугушуп, 2016-жылдагы коммерциялык жана операциялык көрсөткүчтөр, жаңы тенденциялар, техникалык өнүгүү жана келечек пландар тууралуу кеп учугун улашты.Үстүбүздөгү жыл «Альфа Телеком» ЖАК үчүн позитивдүү жана ийгиликтүү болду десек жаңылышпайбыз.Компания ишмердүүлүгүнүн 10 жылдыгын белгилеп, 4G LTE жогорку ылдамдыктагы технологиясын ишке киргизди.Жыл башынан тарта эле компания мобилдик байланыш тармагындагы позициясын бекемдөөгө багытталган бир катар стратегиялык милдеттерди иш жүзүнө ашырууга белсене киришти.