Миссия жана баалуулуктар
Миссия
Биз адамдарды бириктирип, аларга профессионалдык жана жеке өсүү мүмкүнчүлүгүн берип, ар бирине чексиз баарлашуу жана тандоо эркиндигин тартуулайбыз.
Баалуулуктар:
Абоненттерге кам көрүү жана жоопкерчилик.
MegaCom компаниясынын иштөөсүндөгү негизги приоритет болуп жоопкерчиликке жана чынчылдыкка таянган абоненттерге максималдуу кам көрүү болуп эсептелинет, ошондой эле, көрсөтүлүп жаткан кызматтарды жана байланыштын сапатын жогорку деңгээлге көтөрүүгө умтулуу.
Кызматкерлер – Компаниянын эң негизги кенчи.
Биз күчтүү жана бириккен адистерден турган командабыз, эң негизги максатыбыз - ишибизде алдыңкылардын бири болуу. Кызматкер өз ишине кызыгып, милдетин чыгармачылык менен аткаруусу нормага айланып, ар бир кызматкер Компаниянын ишмердүүлүгүнө тийешелүү болуп, анын баалуулуктарын тең бөлүшүп, жалпы максатка жетүү үчүн өз салымын кошуусуна умтулабыз.
Тандоо эркиндиги
Тандоо эркиндиги – Компаниянын ишиндеги эн алдыңки приоритеттердин бири болуп эсептелет. Компаниянын ийкемдүү тарифтик саясаты калктын муктаждыктарын эсепке алып турат, ал эми кошулууда ыңгайлуу шарттар калктын баардык катмарына мобилдик байланыш кызматынан пайдаланууга мүмкүнчүлүк берет. Кошулуунун жеңилдиги, эсептөөнүн так системасы жана жогорку деңгээлдеги сервистик тейлөө Компанияны өлкөбүздүн телекоммуникация базарында өзгөчөлөнтүп турат.
Өнүгүү
Компания коммуникациялык инфраструктурага бир топ инвестицияларды салуу менен коммуникациясын өнүктүрүп жатат. GSM стандартындагы алдыңкы технологияларды пайдалануу менен Компания баарлашуу, маалымат менен иштөө жана маалыматтарды жөнөтүүдө абоненттерине жаңы мүмкүнчүлүктөрдү ачып берүүдө.
Профессионалдуулук
Биздин Компания – Кыргызстандын уюулдук байланыш базарында мыкты абройго жетишүүгө умтулган, алдына эбегейсиз пландарды койгон жаш амбициялуу профессионалдар командасы. Компания өзүнүн кызматкерлери менен сыймыктанат жана кызматкердин профессионалдык мүмкүнчүлүктөрүн өнүктүрүүгө ар дайым даяр. Ар бир кызматкер болсо, өз кезегинде адистигин терең билип, кызмат милдетине жоопкерчиликтүү жана кылдат мамиле жасап, алдына коюлган максаттарды сапатту жана өз убагында аткарууга умтулуп, жана ошондой эле өзүнүн адистигин өнүктүрүүгө аракеттенет.
Урматтоо жака кызматташуу
Компанияда кызматкерлердин оюн сыйлашат жана команданын мүчөлөрү ортосундагы айырмачылыктарга чыдамдуулук менен мамиле жасалат. Биз маселелерди ачык жана ак ниеттүүлүк менен чечип, өндүрүштүк маселелерди чогу караштырабыз. Абоненттер, өнөктөр жана мамлекеттик мекемелер менен ачык мамиле түзүү – бул бирдиктүү команданын ынтымактуу эмгеги, бул жерде ар бирибиз жалпы жыйынтык – Компаниянын ийгилиги - үчүн жооп беребиз.